Kepada Musyaffa'

Kepada
Yuzuf Musyaffa’
di
Sudan


Dengan menyebut nama Allah yang Maha Pemurah lagi Maha Entah,

Kumaha cageur ?! Polontong lah ente ari rek S2 mah he..he, kamana wae atuh ari silaing, meni awis tepang?! Eh.. sori teu nanaon kan? Urang ngomongna conggah kieu !? bisi ente geus rubah. Jadi syaikh?! Heheheh Henteu, bisi we ente nyeri hate, tapi da kumaha ari ana geus kieu ti baretona ge. Santai oke serius juga oke.

Campur we nya bahasa sunda jeung bahasa Indonesia, meh kaciri mahasiswana. Sono euy! Hayang neke. Meni betah ente di Sudan, emang aya naon sih? Heueuh ketang, tong waka balik lah, di Indonesia mah keur marahal, minyak tanah mahal, beas mahal, kopi, mie, bawang beureum, bawang bodas. Tong baroraah harga sembako kajujuran, kadilan bahkan hirup ge mahal Suf! Matakna tong waka hayang balik! Bisi hese hirup, di Sudan mah marurah meureun.

Gaya ente rek S2, rea duitna! Urang mah didieu S 1 ge ngap-ngapan. Bagi-bagi atuh ari boga rizki teh! Urang hayang nikah yeuh! Eh, cenah ente geus nikah?! Ceuk Cici Asri.. hahahahahaha… deuh, kumaha caritana Suf bisa kitu?! Sok atuh nyarita ka mamang.

Ente lamun balik tong robah heueuh?! Ari robah etamah teu nana-nanaon misalnya ente jadi janggotan, terus rada hideung. Rada goreng patut mah geus pasti! Hahahahaha hampura dulur. Mun ngabayangkan beungeut ente baheula pas mua’limin sok hayang seuri. Teuing kunaon, da wajah ente mah geus pikaseurieun. Sok rada sok iye, geuning! Hahahaha…

Saha? Dian? Oh, geus kawin Suf jeung batur. Ente pasti apal jeung saha, Si Riyan, sarua santri persis. Baelah Suf. Da urang ge teu nyeri hate-hate amat. Keun antepkeun anu nyeri hatemah si Amat hungkul hehehe..

Ya Suf, geus lila urang te papanggih, pasti rea carita tentang kahirupan ente kumaha nya kitu oge sabaliknya kabar kahirupan urang kumaha.

Serius nya! Mun Ente balik terus papanggih jeung ana tong rubah siga si Daden. Nya urang ngarti kumaha kaayaan si Daden ayeuna kumaha jadi ustad ‘kan? Tapi kan urang kenal jeung manehna samemeh jadi ustad, sekalipun memang ti baheula ge aya gelagat-gelagat pi ustadeun. Tapi tong kitu teuing lah ka urang teh?
Ente, keur urang mah siga guru spiritual.

Nya hampura tiheula yeuh urang blak-blakan ka ente, lain maksud rek ngomongkeun batur, tapi ieu mah babaturan. Si Iduy, geus nikah ayeunamah. Nya rada dewasa lah saeutik, jeung budak HTI (Hizbut Tahrir). Urang ge teu nyangka. Baroraah ente.
Geus ah, sakitu hela engke di sambung deui. Engke ente lamun males ieu email omat, omat pisan! Tong rea bahasa arabna nya, lieur!! Urang geus teu ngarti bahasa arab. Bisa sih bisa saeutik-eutikmah tapi kudu muka hela kamus. Tapi mun bisa mah mending entong. Naha ari ente rek nyiksa urang, nya kudu muka email, kudu muka kamus. Dzolim nu kitu teh Suf! Hehe..

Cag ah ! Rampes.

Bandung, Pandanwangi
18 April 2008

Salam,

0 komentar:

Posting Komentar